Քննարկում Պելկիոյ Սենատին մէջ՝ նուիրուած Արցախին ու Հայաստանին

  • by Western Armenia, March 26, 2024 in Քաղաքականութիւն
32 դիտում

Պելկիոյ Սենատին մէջ 25 Մարտ տեղի ունեցաւ «Աշխարհաքաղաքական զարգացումները Հարաւային Կովկասին մէջ. կիզակետը Հայաստանը եւ Արցախը» խորագրով կլոր սեղան-քննարկումը, որու նպատակն էր վերլուծիլ 2020-ի Սեպտեմբերէն ի վեր Հարաւային Կովկասին մէջ տեղի ունեցած զարգացումները, Արցախի  հակամարտութիւնը եւ Հայաստանի  առջեւ ծառացած մարտայրաւերները:

Կլոր սեղանի գլխաւոր բանախօսներն էին Պելկիոյ դաշնային խորհրդարանի արտաքին ձարաբերութիւններու հանձնախումբիի նախագահ Էլս Վան Հուֆը, միջազգային բանակցութիւններու վերլուծաբան, Clingendael ինստիտուտի համահիմնադիր Փոլ Մերթս, քաղաքագէտ Բենիամին Պօղոսեան եւ Արցախի՝ մարդու իրաւունքներու պաշտպան Գեղամ Ստեփանեան։ Կլոր սեղան-քննարկմանը կը մասնակցէին նաեւ պելկիացի այլ քաղաքական եւ հասարակական գործիչներ, Պելկիոյ հայ համայնքի, ինչպէս նաեւ՝  այլ փոքրամասնութիւններու ներկայացուցիչներ։ Կլոր սեղան քննարկումը կը վարէր պելկիացի սենատոր, Հայաստանի եւ Վրաստանի հետ միջխորհրդարանական միութեան ղեկավար Մարկ Դեմեսմաեկեր։

Արցախի՝  մարդու իրաւունքներու պաշտպան Գեղամ Ստեփանեան կարեւորեց եւրոպական հարթակում նման քննարկումներու անցկացումը, ցաւով ընդգծելով, որ արցախահայութեան վերադարձի հարցն օրակարգին մէջ չէ, ինչպէս հարկն է, եւ ատ հարցին մէջ կայ միջազգային հանրութեան օգնութեան կարիքը։ «Մեր իրաւունքները միայն ֆինանսական ասպեկտ չունին, մեզի համար կարեւոր է՝ արժանապատիվ վերադարձը մեր տուներ եւ մեր ինքնութեան պահպանումը», – յաւեւլեց Ստեփանեան։

Քննարկման աւարտին հարց ու պատասխանի ժամանակ հնչած մտքերով կարեւորուեցաւ այն փաստը, որ ներկայ աշխարհաքաղաքական համատեքստին մէջ պետք է ամէն գնով կանխիլ Բաքուի  դիվանագիտութիւնը, հզորացնիլ հայոց բանակը։