Յովիկ Աւանեսով քննադատած է արցախահայերու վերադարձի հարցը Ատրպէյճանի նախկին բնակիչներու վերադարձի հետ նոյն հարթութեան վրայ դիտարկելու մօտեցումը։
Անոր խօսքով՝ արցախահայերու վերադարձը իրենց պատմական հայրենիք հիմնարար իրաւունք մըն է, իսկ Արցախի հարցը չի կրնար փակուած համարուիլ որեւէ քաղաքական յայտարարութեամբ։
Աւանեսով նաեւ ընդգծած է, որ նման յայտարարութիւններէն ետք Արցախի մէջ նկատելի է հայկական մշակութային ժառանգութեան ոչնչացման էական աճ՝ ընդգծելով զայն պահպանելու եւ միջազգային ուշադրութեան անհրաժեշտութիւնը։