ՄԱԿ-ի ԱԽ-ը պէտք է յստակ քայլեր ձեռնարկէ՝ ուղղուած Բերձորի ճանապարհի անյապաղ բացման ու Պաքուի իշխանութիւններու ցեղասպան քաղաքականութեան զսպման. ԱԳՆ

  • by Western Armenia, March 28, 2023 in Միջազգային Քաղաքականութիւն
292 դիտում

Արցախի Հանրապետութեան Արտաքին գործոց նախարարութիւնը յայտարարութիւն տարածած է Պաքուի իշխանութիւններուն  կողմէ շփման գիծը խախտուելուն վերաբերեալ, կը տեղեկացնեն Արցախի Հանրապետութեան Արտաքին գործոց նախարարութեան տեղեկատւութեան եւ հասարակայնութեան հետ կապերու վարչութենէն:

«Նման գործողութիւններով Պաքուի իշխանութիւնները կը ձգտին  ա՛լ աւելի խստացնել Արցախի շրջափակումը` խզելով միակ կապը մայրաքաղաք Ստեփանակերտի եւ Շուշի շրջանի շարք մը գիւղերուն միջեւ։ Միաժամանակ, ատպէյճանական կողմը կը փորձէ իրականութեան հետ որեւէ առնչութիւն չունեցող եւ շինծու յայտարարութիւններով արդարացնել իր իսկ անօրինական գործողութիւններն ու սադրանքները։

Արցախի շուրջ օղակը սեղմելու Ատրպէյճանի գործողութիւնները ծաղրական պատասխան են Արցախը՝ Սիւնիքի տարածաշրջանին կապող Բերձորի ճանապարհի անյապաղ ապաշրջափակման վերաբերեալ Արդարադատութեան միջազգային դատարանի որոշման, եւ մարտահրաւէր՝ միջազգային իրաւակարգին։

Կ’ակնկալենք, որ Ռուսիոյ խաղաղապահ զօրակազմը գործնական քայլեր ձեռնարկէ՝ վերացնելու Պաքուի իշխանութիւններուն կողմէ 2020թ. Նոյեմբերի 9-ի եռակողմ յայտարարութեան դրոյթներու հերթական խախտման հետեւանքները, ինչպէս նաեւ կանխարգելելու նոր հնարաւոր խախտումները:

Նման պայմաններու մէջ հրամայական է միջազգային հանրութեան կողմէ միասնական կոշտ դիրքորոշման որդեգրումը՝ ստիպելու Պաքուին վերադառնալ իրաւական դաշտ եւ կատարել իր միջազգային պարտաւորութիւնները։ Միջազգային հանրութիւնը եւ մասնաւորապէս ՄԱԿ-ի Անվտանգութեան խորհուրդը պէտք է յստակ քայլեր ձեռնարկէ՝ ուղղուած Բերձորի ճանապարհի անյապաղ բացման ու Նախագահ Ալիեւի ցեղասպան քաղաքականութեան զսպման», – նշուած է յայտարարութեան մէջ։

Արեւմտեան Հայաստանի կառավարութիւնը մէկ անգամ չէ , որ անդրադարձած է Պաքուի իշխանութիւններու անօրինական եւ վայրագ գործելակերպին, որոնք չեն յարգեր ոչ միայն սեփական խօսքը, այլեւ միջազգային պայմանաւորուածութիւնները, շարունակելով սեփական ցեղասպան քաղաքականութիւնը: 

Բայց այս երկար շարունակուիլ չի կրնար, քանի որ մեր կողմէ հնչեցուող հարցերն արդէն միջազգային հանրութեան եւ պետութիւններուն կողմէ սկսած են արձագանգ ստանալ ու շատ շուտով լուծում պիտի ստանան նաեւ բոլոր հարցերը: