Ախալքալաքի կեդրոնական փողոցի  վերանորոգման աշխատանքները վերսկսած են

  • by Western Armenia, March 30, 2023 in Հասարակութիւն
194 դիտում

2021 թուականի Յուլիսէն Ախալքալաքի մէջ կ’ընթանան քաղաքի կեդրոնական փողոցի շէնքերու արտաքին վերանորոգման աշխատանքները, որոնք կ’իրականացնէ Վրաստանի Ենթակառուցուածքներու նախարարութիւնը՝ «Նորոգուած շրջաններ» ծրագիրի ծիրին մէջ: 

Արդէն քանի մը օր է, որ քաղաքի կեդրոնական փողոցին մէջ վերսկսած են շէնքերու ճակատային մասերու եւ մայթերու վերանորոգման աշխատանքները: Բարեկարգման զուգահեռ նաեւ կանաչապատման աշխատանքներ պիտի տարուին:

Նախնական տուեալներով, նախատեսուած է կեդրոնական փողոցին մէջ լուսաւորութիւն իրականացնել, ծառատունկ կազմակերպել, ինչպէս նաեւ բնական քարերով սալիկապատել մայթերը: Օրինակ, պիտի վերանորոգուի մշակոյթի տան կողքի փոքրիկ պուրակը, նստարաններ պիտի տեղադրուին: