Այսօր Շարլ Ազնաւուրին 100 ամեակն է

  • by Western Armenia, May 21, 2024 in Հասարակութիւն
43 դիտում

Այսօր ֆրանսահայ նշանաւոր երգիչ, շանսոնիե, երգահան, բանաստեղծ, գրող, կինոդերասան եւ հասարակական գործիչ Շարլ Ազնաւուրին 100 ամեակն է։

Իր երաժշտական կարիերայի ընթացքը ան ձայնագրած է մոտ 1200 երգ տարբեր լեզուներով՝ ֆրանսերէն, անգլերէն, իտալերէն, իսպաներէն, գերմաներէն, հայերէն, ռուսերէն, նեապոլիտաներէն։ Ան հեղինակած եւ համահեղինակած է աւելի քան 1000 ստեղծագործութիւն ե՛ւ՛ իր, ե՛ւ այլ երաժիշտներու համար։ Ան ֆրանսալեզու ամէնայայտնի երգիչներէն մէկն է։ Աւելի քան 60 տարի աշխարհահռչակ հայը, միայն զինքը յատուկ հանճարեղ կատարումներով կ՚երգէր սիրո, հաւատարմութեան, նուիրուածութեան, բոհեմի, խենթութեան ու խելառութեան, դավաճանութեան, ատելութեան, միայնութեան ու էլի շատ ու շատ մարդկային յոյզերու ու զգացմունքներու մասին: Շարլ Ազնաւուր՝ ծննդեան անուամբ Շահնուր Վաղինակ Ազնավուրեան, ծնած է Փարիզին մէջ հայ գաղթականներու՝ Միշա եւ Քնար Ազնաւուրեաններու ընտանիքին մէջ: Երգել սկսած է վաղ հասակէն, բայց մեծ փառքի ու հռչակի է արժանացած, երբ արդեն կը յետեւէր թողնիլ կեանքին առաջին 30 տարիները՝ 1956ին Փարիզի «Օլիմպիա» սրահին մէջ ունեցած չափազանց յաջող ելոյթէն ետք: Այդ ժամանակներէն ի վեր անոր երգերը կը հնչեն ողջ աշխարհին մէջ ոչ միայն իր, այլեւ ժամանակին մեծագոյն այլ երգիչներու ու երգչունիներու կատարմամբ: Ազնաւուր նկարահանուած է բազմաթիվ ֆիլմերու մէջ, քանի մը գիրքի հեղինակի է, որոնցով չափազանց անկեղծօրէն իր ողջ կեանքը բաց կը ներկայացնէ ընթերցողին: 1988-ի Սպիտակի երկրաշարժի օրերուն անմիջապէս Հայաստան եկաւ, ստեղծեց «Ազնաւուրը Հայաստանի համար» հիմնադրամն ու այդ ժամանակուա աշխարհահռչակ երաժիշտներու հետ ձայնագրեց «Քեզ համար, Հայաստան» երգը, որմէ վաճառքէն ստացուած ողջ հասոյթը եւս փոխանցուեցաւ երկրաշարժէն տուժած հազարաւոր ընտանիքներու: Չմոռնալով արվեստի մասին՝ ան 1995-էն սկսած ներկայացուցած է Հայաստանը բազմաթիվ միջազագային դիվանագիտական ատեաններու մէջ։