«Անիի հնագիտական դպրոցը»․ միջազգային գիտաժողովը

  • by Western Armenia, June 04, 2024 in Հասարակութիւն
45 դիտում

Հայաստանի պատմութեան թանգարանին մէջ մեկնարկած է  «Անիի հնագիտական դպրոցը» խորագիրով եռօրեա միջազգային գիտաժողովը։ 

Այս տարի կը լրանան Անիի պեղումներու արշաֆախումբի ղեկավար Նիկողայոս Մառի ու Անիի ճարտարապետութեան նշանաւոր հետազոտող Թորոս Թորամանեանին 160, ինչպէս նաեւ արշաւախումբի առանցքային անդամներէն եւ Հայաստանին մէջ հնագիտական աշխատանքներու կազմակերպիչ Աշխարհբեկ Քալանթարի 140-ամեակները։

Հայաստանի պատմութեան թանգարանի տնօրէն Դավիթ Պողոսեան կը կարեւորէ գիտաժողովը՝ նուիրուած Անիի կանօնաւոր պեղումներու ու հնադարանի ստեղծման 120-ամեակին եւ երեք ականաւոր հետազոտողներու հոբելեաններուն, որոնք բացի պեղումները, ձեռնարկեցին նաեւ այդ նիւթերու թանգարանացման գործընթացը։

Միջազգային գիտաժողովի ընթացքը նախատեսուած են չորս տասնեակէն աւելի զեկուցումներ, որոնց թեմաները կը վերաբերեն  Անիի պատմութըանը, մշակոյթի ուսումնասիրութեանը եւ թանգարանացմանը՝ ընդգրկելով պատմութեան, հնագիտութեան, վիմագրութեան, ճարտարապետութեան, թանգարանագիտութեան, մշակութաբանութեան, արուեստաբանութեան բնագաւառները։