Ատրպէյճանը կը շարունակէ Հայաստանի եւ Արցախի դէմ պետական հովանաւորութեամբ իրականացուող բռնութեան քաղաքականութիւնը. Շերման

  • by Western Armenia, March 02, 2022 in Հասարակութիւն
163 դիտում

ԱՄՆ կոնգրեսական Պրետ Շերմանը Սումգայիթի ու Պաքուի կոտորածներու տարելիցի առնչութեամբ յայտարարութիւն հրապարակած է, որտեղ յիշեցուցած է, ինչպէս 1988 թուականին Սումգայիթի մէջ, ապա Կիրովաբատի (Գանձակ), իսկ 1990 թուականին արդեն Պաքուի մէջ ատրպէյճանական իշխանութիւններու բորբոքած հակահայկական տրամադրութիւններու հետեւանքով տեղի ունեցան հայերու դէմ կոտորածներ, սպաննուեցան ու ծանր վիրաւորուեցան քաղաքացիական անձեր, բռնաբարուեցան կանայք ու աղջիկներ:

Ան յայտարարած է, որ Ատրպէյճանի կառավարութիւնը պէտք է պատասխանատուութեան ենթարկուի միջազգային հանրութեան կողմէ հայ ժողովուրդի նկատմամբ տասնեակ տարիներ շարունակ ցուցաբերած ատելութեան համար, որը դեռ կը  շարունակուի: «Մարդկութեան դէմ նման յանցանքները երբեք պէտք չէ չճանաչուած մնան կամ խուսափին պատասխանատուութենէ՝ անկախ անկէ, թէ անոնք տեղի ունեցած են երեկ, 30 կամ 100 տարի առաջ»,- յայտարարած է Շերմանը: