Արեւելեան Հայաստանին մէջ տեղի կունենան պահեստազորայիններու վարժական հաւաքներ

  • by Western Armenia, February 29, 2024 in Հասարակութիւն
61 դիտում

Արեւելեան Հայաստանին մէջ 01 Ապրիլէն մինչեւ 28 Յունիս  պահեստազորայիններու վարժական հաւաքներ կանցկացուին։ Վարժական հաւաքներուն կներգրաւուի մինչեւ 4799 քաղաքացի։

2024 թ.֊ի 01 Ապրիլէն  մինչեւ 28-ը Յունիս ներառեալ, կանցկացուին պահեստազորին առաջին խումբի՝ առաջին եւ երկրորդ կարգերը հաշուառուած շարքային, ենթասպայական եւ սպայական կազմերու պահեստազորայիններու վարժական հաւաքներ։ Որոշումն ընդունուեցաւ Արեւելեան Հայաստանի կառավարութեան այսօրուա նիստը։

Վարժական հաւաքներուն կներգրաւուի մինչեւ  4799 քաղաքացի, որոնցմէ 4353-ը՝ շարքային եւ կրտսեր ենթասպայական կազմերու, 144-ը` աւագ ենթասպայական կազմի, 302-ը` սպայական կազմի պահեստազորայիններ՝ համազորային մոտոհրաձգային, կապի, հետախուզական, ինժեներական, հրթիռահրետանային մասնագիտութիւններով: 

«Վարժական հաւաքները կը յայտարարուին պահեստազորայիններու ռազմական ունակութիւններու կատարելագործման, մասնագիտական վերապատրաստման եւ պատրաստման, բարձրագոյն կրթութիւն ունեցող ենթասպայական կազմէն պահեստազորին սպաներու պատրաստման, մարտական հերթապահութեան ներգրավման նպատակաւ»,- ըսուած է որոշման հիմնաւորման մէջ։

Իւրաքանչիւր քաղաքացի վարժական հաւաքներու ընթացքը կներգրաւուի ոչ աւելի, քան 25 օրացուցային օր ժամկետով։

Վարժական հաւաքներու ապահովման համար կներգրաւուի նաեւ մինչեւ 25 միաւոր ճանապարհաշինարարական տրանսպորտային միջոց (բազմաշերեփ էքսկավատորներ` խրամատափորներ):

Նաեւ յարկ է յիշիլ, որ Հայ Ճամբան արդեն աւելի քան երեսուն տարի է, ինչ ներգրաւուած է Արեւելեան Հայաստանին մէջ եւ ոչ մինակ պահեստազորին զորքերու պատրաստմամբ։