Արեւմտեան Հայաստանի զաւակները․Ստեփանեաններ

  • by Western Armenia, February 28, 2024 in Հասարակութիւն
57 դիտում

Քոյրը 7 օրուան մէջ տեսած է երեք եղբայրներու մահը․ Բելլային վերջին շաբաթն Արցախին մէջ։

Բէլլան Ստեփանակերտի Հանրապետական բժշկական կեդրոնը կը հերթապահէր, երբ Բաքուն հարձակուեցաւ շրջափակման մէջ գտնուող Արցախին վրայ։ Պայթիւններէն կէս ժամ անց առաջին վիրաւորներուն կը տեղափոխեն հիվանդանոց։ 

Բէլլան լրագրողներուն պատմած է, որ զինքը այդ ատեն դուրս են հանած, ետք ըսած են, թէ եղբօրը կը վիրահատեն։ Սկսած է բոլոր վիրահատարանները փնտրիլ Սասունը, բայց չի գտած։ Սասուն 32 տարեկան էր, պայմանագրային զինծառայող։ Վիրաւորուած է Ստեփանակերտին մօտակայքը գտնուող զորամասերէն մէկին տարածքը՝ թշնամիին ԱԹՍ-ին յարուածէն եւ զոհուած։

Կարճ ժամանակ անց, երբ դեռ Բէլլան ուշքի չէր եկած կրտսեր եղբօր զոհուելու փաստէն, վիշտը կը կրկնապատուի. զոհերու  շարքը  կ՚ըլլայ նաեւ Բէլլային քեռու որդին՝ Արայիկը։ Բէլլային ըսած են, որ ներքին օրգաններու վնասուածք է ունեցած, չեն կրցած կեանքը փրկիլ։ Այս ամբողջ ընթացքը Բէլլային աւագ եղբայրը՝ Դաւիթը կը գտնուէր դիրքերը՝ շրջափակումին մէջ։ Յաջողուած էր խօսիլ եղբօր հետ։ Հեռախօսազրոյցին ընթացքը՝ յաշուի առնելով, որ եղբայրը շրջափակումին մէջ ըսած է, թէ Սասուն ու Արայիկ վիրաւորուած են, որ հանկարծ չհաշուարկուած քայլեր չ՚ընէ ու չ՚վտանգէ իր կեանքը։ 24 Սեպտեմբեր  Դաւիթին արդեն յաջողուած էր դուրս գալ շրջափակումէն եւ գալ տուն, սակայն, քանի մը ժամուան տարբերութեամբ եղբայրներուն արդեն յուղարկաւորած էին։ Դաւիթ որոշած է եղբայրներուն չթողնիլ Արցախին մէջ։ «Ես չեմ կրնար իրենց թողնիլ հոս ու դուրս գալ»,-ըսած է ան ու որոշած է, որ պետք է արտաշիրիմում ընէ եւ Սասունը ու Արայիկը տանէ Հայաստան։ Դաւիթ եղբայրներուն տանելու թոյլտւութիւն էր ստացած, երբ Արցախին մէջ մէկ այլ դժբախտութիւն տեղի ունեցաւ։

Դավիթը քոյրը զանգած է Ստեփանակերտին մօտակայքը գտնուող բենզինին պայթիւնին տարածքէն: Քոյրն անմիջապէս մեկնած է հոն։ Սակայն եղբայրը արդեն մահացած էր։ Սասուն, Դաւիթ եւ Արայիկ ամուսնացած էին։  Սասուն 8 տարեկան տղա եւ 6 տարեկան աղջիկ ունէ, Դաւիթ՝ մէկ ու կէս տարեկան տղա, 12 եւ 15 տարեկան աղջիկներ ունէ։ Արայիկին ալ 5 անչափահաս երեխա ունէ, չորս աղջիկ եւ մէկ տղա։

Ընտանիքին մէջ հիմա 9 հոգի են․ Բէլլան, հայրը, մայրը, Բէլլայի երկու զաւակները, Դաւիթին կինն ու երեք զաւակները։ Սասունին ընտանիքն կ՚ապրի Բէլլային քրոջ ընտանիքին հետ։