Արցախի Քոլատակի բնակիչները հաստատակամօրէն կ՛ապրին հայրենի եզերքը

  • by Western Armenia, February 26, 2022 in Հասարակութիւն
229 դիտում

ԱՀ Մարտակերտի շրջանի Քոլատակ համայնքի բնակիչները հաստատակամօրէն կ՛ապրին հայրենի հողի վրայ։

Այս մասին ըսած է Քոլատակի համայնքապետ Սեյրան Աւանեսեանը:

Անոր խօսքով՝ գիւղացիներու հիմնական զբաղմունքը գիւղատնտեսութիւնն է՝ անասնապահութիւնն ու հողագործութիւնը։

«Գիւղին մէջ 345 բնակիչ կ՛ապրի։ Պատերազմէն ետք ազատ բնակֆոնտէն 12 տուն վերանորոգած ու տրամադրած ենք տեղահանուած մեր հայրենակիցներուն։ Դպրոց կը հաճախ է 69 աշակերտ։ Այստեղ կը գործէ համայնքապետարան, բժշկական կենտրոն, հանդիսութիւններու սրահ»,- ներկայացուցած է համայնքապետը՝ որպէս խնդիր նշելով ներհամայնքային ճանապարհներու անմխիթար վիճակը։

Համայնքապետի տեղեկութեամբ՝ գիւղն ապահոված է էլեկտրաէներգիայով, ջրամատակարարմամբ, սակայն գազաֆիկացուած չէ։