Բնական կազ Ջաւախքի Կորելովկա գիւղին մէջ. «Հաւանականութիւն կայ, որոշում չկայ»

  • by Western Armenia, March 18, 2023 in Հասարակութիւն
156 դիտում

Ջաւախքի՝ Նինոծմինտայի  Կորելովկա գիւղի բնակիչները դադրած են հաւատալ, որ երբեք իրենց տուներուն մէջ բնական կազ պիտի ունենան։ Կորելովկայի մէջ բնական կազի առկայութեամբ հետաքրքրուած են ե՛ւ գիւղացիները, ե՛ւ կազաբաշխիչ SJGC ընկերութիւնը, ե՛ւ Նինոծմինտայի քաղաքապետարանը, սակայն, հակառակ անոր, տակաւին իրական արդիւնքներ չկան։

Գիւղի բնակիչները պատրաստ են նոյնիսկ իրենց միջոցներով գլխաւոր կազատարը կառուցել, միայն թէ ունենան բնական կազ։ Անոնք արդէն յոգնած են վառելափայտէն եւ աթարէն։

Շատ դժուար է պարզել, թէ ինչու կազը չի բերուիր Կորելովկա, քանի որ յստակ պատճառները կը մնան չճշտուած։ Անցեալ տարի կազամատակարարման համար յատկացուած 600 հազար լարի գումարը Նինոծմինտայի քաղաքապետարանը ծախսած է այլ աշխատանքներու համար։

Գիւղի կազամատակարարման հարցը բաց կը մնայ, քանի որ կազամատակարարման նախագիծի առկայութիւնը յոյս կու տայ, սակայն վերջնական որոշման եւ յստակ քայլերու բացակայութիւնը կը հիասթափեցնէ բնակչութիւնը։