Յունիսի 1-ը՝ Երեխաներու միջազգային օրը, առիթ է անգամ մը եւս յիշեցնելու, որ երեխաները մեր ժողովուրդի մեծագոյն հարստութիւնն ու վաղուան յոյսն են։
Անոնք են մեր երկրի ապագան, մեր պատմութեան, լեզուի եւ մշակոյթի կրողները, մեր ազգային յիշողութեան ու արժէքներու շարունակողները։ Իւրաքանչիւր երեխայի ժպիտը վստահութիւն կը ներշնչէ, իսկ անոնց երազանքներն ու ձգտումները կը կերտեն վաղուան Հայաստանը։
Կը շնորհաւորենք Երեխաներու միջազգային օրը եւ կը մաղթենք, որ բոլոր երեխաները մեծնան սիրոյ, խաղաղութեան եւ հոգատարութեան մթնոլորտի մէջ՝ պահպանելով իրենց արմատները եւ կերտելով լուսաւոր ապագայ մը։