Երուսաղեմի Հայոց պատրիարքութիւնը Իսրայելի կառավարութենէ պատասխան  կը պահանջէ ոստիկանութեան սկսած տեղահանութեան վերաբերեալ

  • by Western Armenia, April 04, 2024 in Հասարակութիւն
61 դիտում

Իսրայելի ոստիկանութիւնը 03 Ապրիլ մոտ ժամը 11:00-ին ապօրինի տեղահանում սկսած է Երուսաղեմի Հայոց պատրիարքութեան «Կովերու պարտեզ» կալուածքէն՝ ոչնչացնելով Երուսաղեմի Հայոց պատրիարքարանի գոյքը, եւ հարձակուելով հոգեւորականներու եւ տեղացի հայերու վրայ:

Ասոր մասին «Դիմատետր»-ի իր էջը տեղեկացուցած է Երուսաղեմի Հայոց պատրիարքարանի դիգանապետ Աղան Գոգչեան։ «Վտարումը ղեկավարած է Ասաֆ Հարէլ անունով սպան:

Երբ սպաներու խումբէն պահանջուած է հայ հոգեւորականներու եւ տեղացի հայերուն բռնի տեղահանելու, վտարելու, գոյքը ոչնչացնելու մասին արտոնագիր ներկայացնիլ, վերջիններս որեւէ արտոնութիւն կամ դատարան որոշում չեն ներկայացուցած եւ շարունակած են պաշտպանիլ ու աջակցիլ Xana Gardens-ի ներկայացուցիչներուն՝ Հայոց Պատրիարքարանի գոյքը ոչնչացնելու համար: Ապօրինի գործողութիւնները դադրեցնելու փորձի ընթացքին  քանի մը ոստիկաններ շարունակաբար յայտարարած են, թէ եկած են արտոնագիրով, սակայն բնաւ չեն ներկայացուցած յիշեալ արտոնագիրը եւ ըսած են. «Մենք հոս ենք՝ պաշտպանելու Xana Gardens-ի աշխատողներու իրաւունքները»:

Երուսաղեմի Հայոց պատրիարքութիւնը Սուրբ Երկրի Սրբատեղեաց Պահապաններէն մէկն է եւ վերահսկողը Երուսաղեմի չորս թաղամասերէն մէկի: Մենք կ՚անկնալենք ամբողջական պատշաճ գործընթաց, ինչպես որ, իբր տրուած է բոլորին Երուսաղեմին մէջ եւ պատասխաններ կը պահանջենք Իսրայելի ոստիկանութենէ եւ Իսրայելի կառավարութենէ՝ այսօրուա իրադարձութիւններուն անոնց մասնակցութեան համար»,- կ՚ասուի յաղորդագրութեան մէջ:

Երուսաղեմի Հայոց պատրիարքարանի դիւանապետը նաեւ նշած է, թէ աներկբայ է, որ այսօրուա սադրանքները Հայկական թաղամասի եւ անոր օրինական հողերու դէմ նախադէպ ստեղծելու փորձեր են: «Մենք պիտի շարունակենք ամուր կենալ մեր դիրքերուն վրայ եւ պիտի հրաւիրենք ամբողջ աշխարհի քրիստոնեաներու ուշադրությունը խաղաղ հայ քրիստոնեա համայնքի նկատմամբ այս անվերջ ոտնձգութիւններու վրայ»,- ընդգծած է ան: