Ինչու՞ չեղարկուեցաւ ASALA-ի մարտիկին նուիրուած յաղորդումը

  • by Western Armenia, March 01, 2024 in Հասարակութիւն
97 դիտում

Պոլսահայ լրագրողը ստիպուած է եղած չեղարկիլ ASALA-ի մարտիկի նուիրուած յաղորդումը․ պատճառը թուրք ազգայնամոլներէն ստացուած սպառնալիքներն էին։

Պոլսահայ յայտնի  լրագրող Արիս Նալջըն ստիպուած  եղած է  չեղարկիլ ԱՍԱԼԱ-ի մարտիկ Լեւոն Էքմեքչեանը նուիրուած յաղորդումը, որը պետք է հեռարձակուէր  «Կամուրջ / Köprü» հեռուստածրագիրով։ Չեղարկումին համար պատճառ եղած է  թուրք ազգայնամոլ շրջանակներէն ստացուած բազմաթիվ սպառնալիքները։

Ինչպէս կը յաղորդէ  Արիս Նալջը իր դիմատետրին էջին վրայ ՝ չեղարկումին պատճառը պարզաբանելու համար ըրած է հետեւեալ գրառումը․

«Այս շաբաթ «Կամուրջ / Köprü» հեռուստայաղորդումին շրջանակները անդրադառնալու էինք Լեւոն Էքմեքչեանի՝ դատավարութեան եւ մահապատժի ատեն հայկական համայնքին հոգեվիճակին։ Յաղորդումին մասին ծանուցումէն ետք բազմաթիվ լուրջ սպառնալիքներ ստացուեցան։ Ես կը հարգեմ գործընկերներուս անվտանգութիւնը։ Հեռարձակող կազմին հետ խմբագրակազմի եւ աշխատակիցներու անվտանգութիւնը կարեւորելով՝ համատեղ որոշում կայացուցինք եւ որոշեցինք չհեռարձակիլ մեր պատրաստած յաղորդումը։

Յիշեցունք, որ 1958 թ․ ծնած  ASALA-ի մարտիկ Լեւոն Էքմեքչեան 1982 թ․ 07  Օգոստոս  մասնակցած է Անկարային «Էսենբողա» միջազգային օդակայանը կազմակերպուած զինուած գործողութեանը, որու ատեն մահացած է 9 հոգի, իսկ վիրաւորուած՝ 82-ը։ Գործողութեան ընթացքին ծանր վիրաւրում ստացած Լեւոն Էքմեքճեան գերի է ընկած եւ 6 ամիս շարունակ թիւրքական բանտերու մէջ կտտանքներու ենթարկուելէն ետք մահուան դատապարտուած թիւրքական ռազմական դատարանի կողմէն։ Անոր մահապատիժն ի կատարուած է  1983 թ․ 28  Յունուար ։