Իսլամացած հայեր

  • by Western Armenia, March 18, 2024 in Հասարակութիւն
41 դիտում

Էրմենի Վարթո Աշիրեթ

Հայերու դէմ իրականացուած ցեղասպանութիւնը պատճառ է դարձած ոչ միայն 2 միլ․ հայերու բնաջնջման, հազարաւորներու բռնի իսլամացման, այլեւ անձնական եւ ընտանեկան բազմաթիվ ողբերգութիւններու։ Ինքնապահպանման եւ ապրելու բնազդը հայերուն մղած է նաեւ անհաւանական քայլերու։ Բազմաթիվ օրինակներէն մէկն է «Էրմենի Վարթո Աշիրեթ» անունը կրող հայկական գերդաստանի պատմութիւնը, որը կրցած է վերապրիլ ծանրագոյն պայմաններուն, եւ որու գոյութեան փաստն անգամ տասնամեակներ շարունակ յայտնի չի եղած Հայերու դէմ իրականացուած  ցեղասպանութեան ատեն աքսորուած է նաեւ Ջիզրե գաւառին մէջ բնակուող հայկական Վարթո ցեղախումբը, որը բազմամարդ եւ հարուստ է եղած։ Ճանապարհին, հարձակման ենթարկուելով, ցեղախումբի հինգ ընտանիքներ կը փախչեն եւ ապաստան կը գտնեն յայտնի Ջուդի սարին վրայ։  Ընտանիքներէն մէկը կոչուած է «Մալա Վարթո», այսինքն՝ «Վարթոյի տուն»։ Լեռան վրայ ապաստանած ցեղախումբը շուրջ 25 տարի արտաքին աշխարհէն մեկուսացուած ապրած է հոն` տեղեակ չ՚ըլլալով, թէ այդ տարիներուն ինչեր են կատարուած Արեւմտեան Հայաստանին եւ ընդհանրապէս աշխարհին մէջ։  Անգամ չեն իմացած, որ փլուզուած Օսմանեան կայսրութեան փոխարէն ձեւաւորուած է արհեստական  Թուրքիոյ Հանրապետութիւնը։ Ցեղախումբը զբաղուած է անասնապահութեամբ եւ բազմացած է բացառապէս ներքին ամուսնութիւններով։ Ցեղասպանութենէ շուրջ երեք տասնամեակ ետք միայն հայկական ցեղախումբը համարձակուած է իջնել սարերէն եւ ականատես ըլլալ, որ իրենց նախկին հողերուն տիրացած են քուրդերը։