Կայացած է Արցախի թեմի խորհուրդի առաջին ժողովը

  • by Western Armenia, April 06, 2024 in Հասարակութիւն
57 դիտում

Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամէնայն Հայոց Կաթողիկոսի օրհնութեամբ ստեղծուած է Արցախի թեմի խորհուրդ` թեմակալ առաջնորդ գերաշնորհ Տեր Վրթանէս եպիսկոպոս Աբրահամեանի գլխաւորութեամբ:

Արցախի թեմի յաղորդմամբ, Վրթանէս Սրբազանի առաջարկով եւ Վեհափառ Հայրապետի համաձայնութեամբ հաստատուեցաւ խորհուրդի անդամներուն կազմը.

‣ Տեր Վրթանես եպիսկոպոս Աբրահամեան - Արցախի թեմի առաջնորդ
‣ Տիար Լեռնիկ Յովհաննիսեան - խորհուրդի ատենապետ
‣ Տիար Սերգէյ Սաֆարեան - խորհուրդին ատենադպիր
‣ Տիար Յովիկ Ալուխանեան,
‣ Տիկին Մելանեա Բալայեան,
‣ Տիկին Արմինէ Ալեքսանեան,
‣ Տիար Ռոբերտ Աւետիսեան,
‣ Տիար Ալբերտ Անդրեան,
‣ Տիար Ալեքսան Յակոբեան:

04 Ապրիլ կայացած է թեմական խորհուրդի առաջին հանդիպումը: Ելնելով այն հանգամանքէն, որ խորհուրդի անդամները կը գտնուին աշխարհի տարբեր երկրներու մէջ, հանդիպումը կայացած է առցանց տարբերակով: Հանդիպման ընթացքը քննարկուած են այնպիսի առաջնային հարցեր, ինչպիսիք են Արցախի հոգեւոր-մշակութային ժառանգութեան ու հայկական գերեզմաններու պահպանման խնդիրը, Արցախի ինքնութեան պահպանմանն ուղղուած աշխատանքները, արցախահայութեան առջեւ ծառացած մարտայրաւերները, անոնց հոգեւոր կեանքի ակտիվացմանն ուղղուած քայլերն ու այլ հարցեր:

05 Ապրիլ Հայաստանին մէջ բնակուող թէմական խորհուրդի անդամները հանդիպած են Վեհափառ Հայրապետի հետ, ով իր օրհնութիւնն է տուած խորհուրդի գործունեութիւնը մեկնարկելու համար: Վեհափառ Հայրապետ համապատասխան կարգադրութիւններ է կատարած` ուղղուած Արցախին թէմին պահպանմանն ու շարունակական գործունեութեանը: