Կարս նահանգի գիւղերէն մէկին մէջ 2մ շերտով ձիւն է տեղացած

  • by Western Armenia, March 26, 2024 in Հասարակութիւն
45 դիտում

Կարս նահանգի  Սուսուզ շրջանի Գյոլբաշ գիւղին մէջ առատ ձեան տեղումներու եւ բքի հետեւանքով բնակիչներու տուներն մնացած են ձեան տակ։

Անանցանելի են դարձած շարք մը ճանապարհներ։ Կը նշուի, որ ձեան շերտին բարձրութիւնը հասած է 2 մետրի։ 

«Գարնանը կը սպասէինք, բայց նորէն ձմեռ եկաւ»,- նշած են տեղի բնակիչները։

Կը նշուի, որ ջերմաստիճանը կը հասնի մինուս 7-ի, իսկ բարձրադիր յատուածները տեղումները թեթեւակի ընդհատումներով դեռ կը շարունակուին։

Փակ ճանապարհներուն ձնամաքրման աշխատանքներ են իրականացուած եւ ճանապարհը բացուած է փրկարարական ջոկատաներու օժանդակութեամբ։