Հայ կինը՝ Ցեղասպանութեան զոհ եւ հերոս

  • by Western Armenia, May 14, 2024 in Հասարակութիւն
30 դիտում

Հայերու դէմ իրականացուած ցեղասպանութեան թանգարան-ինստիտուտի ժամանակաւոր ցուցադրութիւններու սրահին մէջ տեղի է  ունեցած  «ՀԱՅ ԿԻՆԸ՝ ՑԵՂԱՍՊԱՆՈՒԹԵԱՆ ԶՈՀ ԵՎ ՀԵՐՈՍ» խորագրով ժամանակաւոր ցուցադրութեան բացումը։ ՀՑԹԻ տնօրէն Էդիտա Գզոյեան, նշած է, որ այս ցուցադրութեան միջոցով ներկաները կտեսնան մարդկութեան դէմ կատարուած սարսափելի յանցագործութեան՝ Հայերու դէմ իրականացուած  ցեղասպանութեան ատեն հայ կիներու ապրած փորձութիւններու անմարդկային դէմքը, ապա աւելացուց. «Հայերու դէմ իրականացուած  ցեղասպանութեան տարիներում հիմնականը կիներէն ու զաւակներէն կազմուած տեղահանուածներու քարաւանները դիտաւորեալ  կ՚ենթարկուէին աւազակային հարձակումներու, ինչի հետեւանքով տեղի թիւրք, քուրդ եւ արաբ բնակչութիւնը բռնի կը տիրէր հայ կանանց, կ՚առեւանգէր անոնց ու զաւակներուն:

Առեւանգուածներուն կը վաճառէին, կը տանէին մուսուլմանական տուներ, յաճախ անոնց տուն, ով սպանած էր իրենց ընտանիքի անդամներուն, կը պարտադրէին կրօնափոխութիւն, կը մղէին ստրկական աշխատանքի: Հայ կիներու հանդէպ կիրառուող որբեւայրի տերմինը` որբ ու այրի, այսինքն` զրկուած ծնողներէն եւ էրիկէն, թերեւս, լաւագոյնս կը բնորոշէր անոնց ճակատագիրը»: Ցուցադրութեան մէջ ներկայացուած են հայ կնոջ կեանքի ու կենցաղի հետ կապուած անձնական բազմաթիվ իրեր, բնօրինակ բացառիկ լուսանկարներ, փաստաթուղթեր, յուշագրութիւններ, փաստավավերագրական ֆիլմ եւ այլն:

Ցուցադրութիւնը գործելու է մինչեւ 2025թ. Ապրիլ: