ՀՀ ժողովրդական վարպետ Արմէն Վարդապետեան զարդերու միջոցով հանրութեան պիտի ներկայացնէ Կիլիկիոյ պատմութիւնն ու մշակոյթը

  • by Western Armenia, March 11, 2023 in Հասարակութիւն
173 դիտում

Զարդագործ, նկարիչ, քանդակագործ Արմէն Վարդապետեանի «Կիլիկիա» խորագիրով ցուցահանդէսին մէջ ընդգրկուած է աւելի քան յիսուն աշխատանք՝ արծաթեայ զարդեր, քանդակներ, գծանկարներ: Հետաքրքրուած անձեր իւրահատուկ, ինքնատիպ գործերուն կրնան ծանօթանալ՝ մինչեւ Ապրիլի 7, այցելելով Երեւան քաղաքի պատմութեան թանգարան: «Արմէնփրէս»ի թղթակիցին հետ զրոյցի ժամանակ Վարդապետեան նշած է, որ հաւաքածուն ստեղծած է՝ ոգեշնչուելով կիլիկեան դպրոցի մանրանկարիչներ Թորոս Ռոսլինի եւ  Սարգիս Պիծակի աշխատանքներէն:

«Կիլիկիա» հաւաքածուի նպատակներէն է  Կիլիկիոյ մասին խօսիլը: Այդ դարաշրջանին զարգացած են հայկական արուեստն ու մշակոյթը, սակայն արշաւանքներու, պատերազմներու պատճառով քիչ բան պահպանուած է: Բացառութիւն չեն զարդերը: Զարդերը ժամանակին ձուլած են եւ տուրքեր վճարած»,- նշած է նկարիչը։

Արեւմտեան Հայաստանը կարեւոր կը համարէ այս նախաձեռնութիւնը, քանի որ այսօր առաւել քան երբեք կարեւոր է Կիլիկիոյ արուեստն ու մշակոյթը ցուցադրել, անով եւս մէկ անգամ փաստելով այդ տարածաշրջանի հայկական ըլլալն ու Հայերու իրաւունքները:

։