97 տարեկանին կեանքէն հեռացած է Անգարայի հայ կաթողիկէ համայնքի ամենատարեց անդամներէն մէկը՝ Էմիլի Քարաօղլուն։ Ան երկար տարիներ ճանչցուած էր իր հաւատքին, եկեղեցւոյ եւ համայնքին նուիրուած ծառայութեամբ։
Թաղման արարողութիւնը տեղի ունեցած է Յուլիս 27-ին՝ Անգարայի Սուրբ Թերեզա կաթողիկէ եկեղեցւոյ մէջ, որմէ ետք Էմիլի Քարաօղլուն հողին յանձնուած է Ճեպեճիի գերեզմանատունը։
Անգարայի Սուրբ Թերեզա եկեղեցւոյ համայնքը իր ցաւակցական հաղորդագրութեան մէջ նշած է, որ Էմիլի Քարաօղլուի յիշատակը պիտի մնայ սիրով, յարգանքով եւ երախտագիտութեամբ՝ որպէս համայնքին նուիրուած ու հաւատաւոր անձնաւորութիւն մը։