Արեւմտեան Հայաստանի Հայ Կաթողիկէ համայնքի հոգեւոր առաջնորդ Վարդան Գերապայծառը Մարիամ Աստուածածնի Վերափոխման տօնին առիթով ուղերձ յղած է համայնքին։
Ան հաւատացեալներուն կոչ ուղղած է տօնը նշել աղօթքով եւ մասնակցիլ Սուրբ Պատարագին ու խաղողօրհնէքի արարողութեան։ Ան Մարիամ Աստուածածնի հովանաւորութեան յանձնած է համայնքի ընտանիքները, երեխաները, երիտասարդներն ու տարեցները։
Վարդան Գերապայծառը նաեւ աղօթած է Թուրքիոյ խաղաղութեան, ապահովութեան եւ բարօրութեան համար՝ ընդգծելով սիրոյ, յարգանքի եւ խաղաղութեան մշակոյթի ամրապնդման կարեւորութիւնը։
Ան համայնքը հրաւիրած է մասնակցելու տօնական արարողութիւններուն եւ յաջորդ օրը այցելելու հանգուցեալ հարազատներու շիրիմները՝ պահպանելու ընտանիքի պատմութիւնն ու արմատներու յիշողութիւնը։