Մոսկուայի մէջ արգիլած են Նժդեհ պարախումբին համերգը. Գագիկ Գինոսեան

  • by Western Armenia, January 31, 2023 in Հասարակութիւն
154 դիտում

«Ազատագրական Բանակ»ի մարտիկ, «Կարին» կրթամշակութային ՀԿ նախագահ,ՀՀ մշակոյթի վաստակաւոր գործիչ Գագիկ Գինոսեան «Facebook»ի իր էջին գրած է․ «Այսօր արգիլած են Մոսկուայի մէջ գործող Հայ աւանդական Նժդեհ պարախումբի՝ «Իմ անունս է Պայքար» խորագիրով համերգը: Այսօր այլեւս պատրուակ չունենալով արգիլել Հայոց բանակի տօնին նուիրուած համերգը, գացին անմեղսունակ ճանապարհով՝ յայտարարելով, որ համերգասրահին մէջ ական կայ տեղադրուած: Քանի մը ժամ Մոսկուայի ձմեռնային սառնամանիքին հանդիսատեսը եւ  «Նժդեհ» խումբի անդամները սառացնելէ ետք վերջնականապէս յայտարարուեցաւ, որ համերգը կազմակերպելն անհնար է: Հետեւինք այս միջադէպի յետագայ զարգացումներէն եւ զօրակցինք Նժդեհ պարախումբին։ Անհնար է մարել այն, ինչ էութեամբ անմարելի է՝ Հայու ոգին: Մեր անունն է Պայքար, եւ վախճանը՝ ՅԱՂԹԱՆԱԿ....»։