Յայտարարութիւն.  Հայաստանի ազատագրութեան հայ գաղտնի բանակի (ԱՍԱԼԱ) հիմնադրման 49-ամեակին առիթով

  • by Western Armenia, January 20, 2024 in Հասարակութիւն
57 դիտում

Յայութիւնն իր նորագոյն պատմութեան ամէնեն ճակատագրական եւ ամէնեն բախտորոշ շրջափուլն է։ Նախորդ դարի 60-ականներուն թափ առած հայ ժողովուրդին քաղաքական – գաղափարական յետեւաբար նաեւ հոգեբանական զարթոնքը, իր տարբեր դրսեւորումներով,սկսած 1965-ի երեւանեան ցոյցերեն, շարունակած Հայերուն դէմ իրականացուցած Ցեղասպանութեան միջազգային ճանաչման եւ դատապարտման աշխատանքներով ու բռնագրաւուած հայկական հողերուն համար նորագոյն զինեալ ազատագրական պայքարով, Արցախեան ազատամարտով եւ Արցախիմ ազատագրումով, Հայաստանի անկախացումով եւ պետականակերտման գործընթացին մեկնարկով, այսինքն՝ յազարաւոր հայորդիներու անսակարկ նւիրաբերումին հանրագումարը յանդիսացող՝ ազգային մաքառումին եւ վերազարթոնքին, մոտաւորապէս, վաթսունամեա շրջափուլը կ՚աւարտուի  հայապատկան Արցախին հայաթափումով եւ կորուստով, յատկապէս հայոց պետականութեան դէմ ձեւաւորուող գոյաբանական սպառնալիքներով եւ մարտայրաւերներով:

Առկա իրավիճակին տխուր եւ կործանարար իրողութիւնը աւելի կը շեշտուի, եթէ յաշուի առնենք այն հանգամանքը, որ մեր ազգին ստվար մեծամասնութիւնը չի գիտակցեր կամ չի ուզեր գիտակցիլ իրավիճակին օրհասականութիւնը։ Ցաւ եւ նվաստացում չի ապրեր Արցախին կորուստի եւ հայրենի հողին բռնազաւթման, հարիւր հազարաւոր հայերուն իրենց պատմական հայրենիքէն բռնագաղթելու համար՝ տրուելով նիւթապաշտութեանն ու եսապաշտութեանը, օտարուելով ազգի հավաքական տեսլականէն եւ իղձերէն՝ ընկղմվելով անտարբերութեան, անհոգութեան եւ անզգաիւթեան տիղմին մէջ:

Մէկ խօսքով՝ այս անգամ նահանջը ոչ թէ առանց երգի է, այլ նահանջ է՝ երգով, պարով ու կերուխումով:

Պատճառները եւ պատճառաբանութիւնները կրնան տարբեր ըլլալ։ Իրավիճակին համար կարելի է մեղադրիլ ցանկացած մէկին՝ նորերեն, հիներեն, օտարներեն, թշնամիներեն, դարանակալ բարեկամներեն եւ այլն, բայց ուրիշներուն մեղադրելով իրավիճակը չի փոխուի։ Շրջադարձ կատարելու համար անհրաժեշտ է գտնիլ բանաձեւեր եւ լուծումներ, որոնք կխթանեն մեր հասարակութեան ինքնագնահատականը, արժանապատւութիւնը եւ հպարտութիւնը: Ազգային դիմագիծին ու ինքնագիտակցութեան դէմ շղթայազերծուած ընթացիկ գրոհը նենգ է ու ստոր, համատարած է ու բազմաճակատ, մանաւանդ բացայայտօրէն կը վայելէ պետական բարձրաստիճան իշխանաւորներու հովանաւորութիւնը եւ արտաքին ուժերու անթաքոյց հովանաւորութիւնը։ Պատասխան քայլերը պետք է ըլլան համակարգուած, թիրախային եւ հասցեական:

Մեր կոչն է  ազգային կէնսագործունեութեան՝ գիտական, կրթական, մշակութային, քաղաքական - հասարակական, բարեգործական, տնտեսական եւ միւս բոլոր ոլորտները ստեղծիլ դիմադրական կէնսունակ օջախներ, որոնց գերակա նպատակը պետք է ըլլա դիմադրիլ ապազգայնացման սողացող գրոհին եւ դիմակայել ազգային ինքնութիւնը խեղաթիւրելու, խորհրդանիշները աղաւաղելու, արժեքները եւ աւանդոյթները նենգափոխելու  փորձերուն: Պետք չէ մոռնալ այն անուրանալի փաստը, որ առաջընթացը, յետեւաբար յաջողութեան գրաւականը, նոյնիսկ փոքր ձեռքբերումներու կուտակումով կը կերտուի, իսկ պայքարին զորութիւնը կը բխէ  նպատակին յստակութենէ եւ թիրախներու ճիշտ ընտրութենէ։ Բռնագրաւուած հայրենիքին ազատագրութեան համար պայքարը շարունակական գործընթաց է, անժամկետ է ու միասնական: Պայքարին ճակատները, ձեւերը եւ բնոյթը կրնան փոխուիլ՝ ըստ տուեալ պահի առաջնահերթութեան եւ անհրաժեշտութեան: 

Հայաստանի Ազատագրութեան Հայ Գաղտնի Բանակը, որպէս ազատագրական պայքարին ռահվիրա կազմակերպութիւն, հանձնառու է իր պատմական առաքելութեանը եւ կը շարունակէ պայքարը յանուն համահայկական շահերու պաշտպանութեան եւ թրքա-ազերիական ոհմակներու կողմէն հայրենիքին բռնագրաւուած հողերուն ազատագրութեան։:

Խոնարհո՛ւմ Հայրենիքին Ազատագրութեան ճանապարհին ընկած բոլոր Նահատակներու յիշատակին: Փա՜ռք պայքարին անձնւեր ազատամարտիկներուն, ովքեր կը շարունակեն ու պիտի շարունակեն բոցավառ պահիլ ամբողջական ու միասնական Հայաստանին կերտման ջահը: