Որքանո՞վ Վանը պատրաստ է երկրաշարժի

  • by Western Armenia, March 27, 2023 in Հասարակութիւն
202 դիտում

Թէեւ բոլոր հաստատութիւնները նախազգուշացուցած են Վանի մէջ սպասուելիք երկրաշարժին մասին, քաղաքի տեղական իշխանութիւնները նախազգուշական միջոցներ չեն ձեռնարկեր երկրաշարժներու եւ այլ հնարաւոր աղէտներու դէմ:

Տակաւին 2022 թուականի Ապրիլին հրապարակուած զեկոյցին մէջ ընդգծուած է, որ երկրաշարժ կրնայ տեղի ունենալ որեւէ պահու։ Զեկոյցին մէջ նշուած է. «Քանի որ Վան նահանգին մէջ շինարարութիւնները տեղի կ’ունենան լճային եւ ցամաքային նստուածքներու վրայ, սպասուելիք երկրաշարժը աւելի մեծ վնաս պիտի հասցնէ տարածաշրջանին՝ պատճառելով աւելի շատ մարդկային եւ գոյքային կորուստներ»։ 

Ճարտարագէտներու պալատի Վանի մասնաճիւղի ղեկավար Միխայիլ Աթիք, գնահատելով իրավիճակը, նշած է, որ Վան քաղաքի ստոգետնեայ տարածքը ժամանակի ընթացքին խոնաւացած է, իսկ աղէտներու վտանգը նուազեցնելու ուղղութեամբ յստակ քայլեր չեն ձեռնարկուած: 

 «Քաղաքի կեդրոնին շատ մօտ երկրաշարժի խզուածք կայ, որ լարուածութիւն կը կուտակէ: Վստահ եմ, որ ապագային երկրաշարժ տեղի պիտի ունենայ։ Իշխանութիւնները անհրաժեշտ միջոցներ չեն ձեռնարկեր: Եթէ ​​ իւրաքանչիւրն իր կամքով շինութիւն  կը կառուցէ, ուրեմն ի՞նչ է քաղաքապետարանին ու  իշխանութեան դերը։ Շինարարական ընկերութիւններուն վրայ պարտաւորութիւններ դրուած են, բայց անոնց հիմնական նպատակը շահոյթն է։ Այն քաղաքներուն մէջ, ուր տեղի ունեցած է երկրաշարժը եւ կը շարունակուին յետցնցումները, դարձեալ շէնքեր կը կառուցուին։ Այս իրավիճակը նոր աղէտներու հրաւէր է»,- յայտարարած է ճարտարագէտը։