Ջաւախքի հայութիւնը կ’աջակցի Արցախին՝ ըսելով «Արցախ, մենք կողքդ ենք»

  • by Western Armenia, March 24, 2023 in Հասարակութիւն
186 դիտում

Ջաւախքի Ախալքալաք քաղաքին մէջ «Զորի Զորեան» կազմակերպութեան եւ Ջաւախքի երիտասարդական միութեան անդամները երթ կազմակերպած էին՝ յաջակցութիւն Արցախի բնիկ հայութեան։ Ըստ տեղեկութիւններուն, «Զորի Զորեան» միութեան անդամները նամակ յղած են նաեւ Վրաստանի  ԱԺ հայ  պատգամաւոր Սամուէլ Մանուկեանին։

Երթի մասնակիցները Ախալքալաքի մէջ հայկական ու վրացական դրօշներով, հայերէն ու վրացերէն՝ «Բանալ Արցախի կեանքի ճանապարհը», «Արցախ, մենք ձեր կողքն ենք», «Արցախ, շրջափակուած 100 օր», «Արցախի շրջափակումը կը տանի ցեղասպանութեան» գրութեամբ պաստառներով, երիտասարդական կեդրոնէն շարժեցան նախ դէպի  քաղաքապետարան, այնուհետեւ՝ դէպի Սուրբ Խաչ եկեղեցւոյ բակ:

Վրաստանի խորհրդարանի հայ պատգամաւոր Սամուէլ Մանուկեանին ուղղուած նամակին մէջ մասնաւորապէս գրուած է.

 «Արցախի մէջ մարդասիրական աղէտ է: Ներկայ աշխարհաքաղաքական բարդ պայմաններուն մէջ, երբ գերտերութիւնները զբաղած են քաղաքական առեւտուրով, իրենց շահերէն ելլելով, անգամ կ’անտեսուի Հաագայի միջազգային դատարանի սոյն թուականի Փետրուարի 22-ի որոշումը:

Ցաէօք, կ’առերեսուինք իրականութեան հետ, երբ Արպէյճան առհասարակ կ’անտեսէ այս որոշումը, իսկ գերտերութիւնները եւ միջազգային կազմակերպութիւնները կը հրաժարին ճնշում գործադրել Ատրպէյճանի վրայ:

Պարո՛ն Մանուկեան, հաշուի առնելով, որ Վրաստան եւ Ատրպէյճան ունին բարիդրացիական յարաբերութիւններ, կը խնդրենք Ձեզի, մեր երկրի՝ Վրաստանի կառավարութեան մօտ բարձրացնել վերոնշեալ խնդիրը, որպէսզի հնարաւորութեան սահմաններու մէջ Ատրպէյճանի հետ բանակցութիւններու եւ միջնորդութեան միջոցով կանխուի մարդասիրական աղէտը, ինչպէս եղաւ 2021թ-ի Յունիսին, երբ Վրաստանի վարչապետ Իրաքլի Ղարիպաշուիլիի միջնորդութեամբ, Պաքուի բանտերէն ազատ արձակուեցան 15 հայ ռազմագերիներ»: