Տաթեւի վանական համալիրն ու Ճոպանուղին՝ միջազգային լրատուամիջոցներու ուշադրութեան կեդրոնին մէջ

  • by Western Armenia, June 08, 2024 in Հասարակութիւն
35 դիտում

Աշխարհի ամէնէն երկար ճոպանուղին` «ՏաԹեւերը»,  մշակութային եւ լուսաւորչական կարեւոր կեդրոններէն մէկը համարուող Տաթեւի վանական համալիրն այս շաբաթ յայտնուած են միջազգային լրատուամիջոցներու ուշադրութեան կեդրոնը: 

Միջազգային լրագրողական խումբը Ճոպանուղիէն օգտուելիս յնարաւորութիւն է ունեցած վայելու Որոտանի կիրճին տեսարանը, «Սատանի կամուրջի» եւ Տաթեւի Մեծ անապատին վրայով անցնող տպաւորիչ թռիչքը, որու վերջին յանգրուանը 9-րդ դարը կառուցուած Տաթեւի վանական համալիրն է: 

Թռիչքէն ետք լրագրողական խումբը շրջայց է  կատարած  Տաթեւի վանական համալիրը, ծանօթացած՝ պատմութեանը, Սիւնիքի զարգացման գործին մէջ ունեցած դերին, տարածաշրջանի հետաքրքիր փաստերուն, թուերուն ու իրադարձութիւններուն։ Իսկ թռիչքէն ետք հիւրերը բացայայտած են նաեւ հայկական խոհանոցի գաղտնիքները, աւանդական ուտեստներու համն ու հոտը:

«ՏաԹեւերը» ըլլալով աշխարհի ամէնէն երկար (5752 մ) հետադարձելի ճոպանուղին երկու անգամ ճանաչուած է աշխարհին մէջ լաւագոյնը՝ ըստ World Travel Awards միջազգային յեղինակաւոր մրցանակաբաշխութեան: