«Տատիկ-պապիկ»-ին քով դարանակալած ատրպէյճանցու կրակէն 11-ամեա Կառլեն վիրաւորում է ստացած 

  • by Western Armenia, February 20, 2024 in Հասարակութիւն
64 դիտում

Հնգօրեա պաշարումէն ետք Մարտակերտի ներքին ենթաշրջանի բնակչութեան տեղահանումին համար 23-ը Սեպտեմբեր բացուեցաւ  Մարտակերտ-Դրմբոն-Ստեփանակերտ միջշրջանային ճամբան։

Աղաբեկալանջ գիւղին բնակչուհի Իրինա Աղաբեկեան այդ ժամանակահատուածին մասին խօսած է MediaHub լրատուական գործակալութեան հետ։ Անոր ընտանիքը եւս տուժած էր սեպտեմբերեան ագրեսիային ատեն։ Նախքան Արեւելեան Հայաստան տեղափոխուիլը, շրջաններէն տարհանուած բնակիչները՝ այդ թիւը Իրինային ընտանիքը, քանի մը օր մնացած են Իւանեանին օդակայանը, այնուհետեւ Ստեփանակերտին «Արմենիա» հիւրանոցին մէջ։ 

Իրինային դժուարութիւնները, սակայն, կրկնապատկուեցան այն ատեն, երբ զինադադարէն ետք անոր որդին՝ 11-ամեա Կառլեն Սողոմոնեան, վիրաւորում ստացաւ Ստեփանակերտին մէջ։ 

«Վերածնունդին հրապարակը հայրս վատցաւ։ Բժիշկ մը չի կար, որ օգնէր, յուսահատ վիճակին մէջ էի։ Ատ ատեն Կառլեն հրապարակը հեծանիւ կը քշէր։ Տեսնելով, որ պապը վատցած է, առանց ժամանակ կորցնելու կ-օգնէ։ Նկատած է, որ Կարմիր խաչին ինքնաշարժը կ՚անցնի  Ստեփանակերտին կեդրոնական պողոտայով։ Հեծանիւը քշած է ինքնաշարժէն ետեւէն, որ Կարմիր խաչին աշխատակիցներուն տեղեակ պահէ՝ օգնութեան հասնին։ Հեծանիւով հասած է մինչեւ «Տատիկ-պապիկ»-ին յուշարձանին քով, հասկնալով, որ ինքնաշարժը չի նկատէր եւ  չի կանգնէր, որոշած է հետ գալ։ Շրջադարձ ընելու ատեն յուշարձանին քով կայանուած ատրպէյճանական 2 ինքնաշարժէն կրակած են զաւակին ուղղութեամբ, գնդակը դիպած է ոտքին»,– կը պատմէ է ան։ 

Մօր խօսքով՝ կրակելէն ետք Կառլեն սկիզբէն միայն տաքութիւն զգացած է ոտքին վրայ, ետք նկատած է, որ արիւն կը հոսի։ Ատ վիճակին մէջ զաւակը հասած է հիւրանոցին տարածք։ Հիւրանոցին մէջ տղամարդ մը վիրակապած է Կառլենին ոտքը։ Ողջ գիշեր արնահոսած է, բժիշկ  չի եղած

29-ը Սեպտեմբեր եկաւ՝ Արցախը լքելու Իրինայի հերթը։ Երեւանէն Ստեփանակերտ հասած ավտոբուսներով, արցախցի կինն իր միւս հայրենակիցներու հետ եւս հրաժեշտ տուաւ ծննդավայրին ու եկաւ Հայաստան։ 

Իրինա Աղաբեկեանին ընտանիքն կ՚ապրի Արզնիին մէջ։ Կառլենին առողջական վիճակն այժմ բավարար է։ Դպրոց կը յաճախէ, ներգրաւուած է նոր միջավայրը։ Զաւակին հետ կատարուածը, մասնագիտութեամբ իրաւաբան Իրինան, ռազմական յանցագործութիւն կը համարէ, որու համար մինչ օրս ոչ մի միջազգային դատարան Բաքուին վրայ ճնշում գործադրած է։