Քաղաքական հասարակութեան կազմակերպութիւնները զեկոյց են ներկայացուցած ՄԱԿ-ի՝ «Խոշտանգումներու դէմ կոմիտէին» Բաքուի «5-րդ դիտարկմանն» ընդառաջ

  • by Western Armenia, March 29, 2024 in Հասարակութիւն
46 դիտում

«Ժողովրդավարութեան զարգացման» հիմնադրամը, «Իրաւունքներու պաշտպանութիւնն՝  առանց սահմաններու» ՀԿ-ն, «Թրանսփարենսի Ինթերնեշընըլ» հակակոռուպցիոն կեդրօնը, «Հելսինկեան քաղաքացիական ասամբլեայի ՝ Վանաձորի գրասենյակը», «Իրաւունքի զարգացման եւ պաշտպանութեան հիմնադրամը»  եւ «Մարդու իրաւունքներու միջազգային գործընկերութիւնը» համատեղ զեկոյց են ներկայացուցած ՄԱԿ-ի ՝ «Խոշտանգումներու դէմ կոմիտէին»՝ Բաքուի  5-րդ պարբերական զեկոյցի դիտարկմանն ընդառաջ։ 

ՄԱԿ-ի ՝ «Խոշտանգումների դեմ կոմիտէն» 10 անկախ փորձագէտներէն բաղկացած մարմին է, որը կը վերահսկէ Խոշտանգումներու եւ այլ դաժան, անմարդկային կամ արժանապատւութիւնը նուաստացնող վերաբերմունքին կամ պատժին դէմ համաձայնագիրի կատարումը մասնակից պետութուններու կողմէն: Կոմիտէն պատասխանատւութեան կ՚ենթարկէ պետութիւններուն՝ մարդու իրաւունքներու խախտումներու համար՝ քննութեան առնելով խոշտանգումներու մասին յաղորդումները։ 

Քաղհասարակութեան կազմակերպութիւններու զեկոյցը կը վերաբերէ խոշտանգումներու կանխարգելման եւ ատոնց դէմ պայքարի ուղղութեամբ՝ Բաքուի պարտաւորութիւններու կատարմանը, մասնաւորապէս հայերու նկատմամբ էթնիկ խտրականութեան հիմքով կատարուած խոշտանգումներու եւ դաժան վերաբերմունքին դէպքերուն։ 

«Վերջին դիտարկումէն ետք Բաքուին մէջ մարդու իրաւունքներու վիճակը զգալիօրէն վատթարացած է։ Ի լրումն այլակարծութեան,  ԶԼՄ-ներու նկատմամբ խիստ ճնշումներու, հիմնարար ազատութիւններու անհամաչափ սահմանափակումներու, խոշտանգումներու եւ ներքին կամայական կալանաւորման պրակտիկայի՝ Բաքուն  շարք մը ռազմական հարձակումներ է իրականացուցած Արցախի եւ Հայաստանի դէմ: Ոյժի կիրառումը զուգորդուած է մարդու իրաւունքներու եւ մարդասիրական իրաւունքի կոպտագոյն խախտումներով, այդ թիվը՝ խոշտանգումներով, Արցախի՝  9 ամիս սեւած շրջափակմամբ, տեղի հայ բնակչութեան ահաբեկմամբ, ինչը 2023-ի Սեպտեմբերին հանգեցուցած է Արցախի հայ բնակչութեան բռնի տեղահանմանը»,- ըսուած է զեկոյցին մէջ։ 

Զեկոյցին մէջ կազմակերպութիւնները ներառած են շարք մը առաջարկութիւններ՝ Բաքուի պարտաւորութիւններու կատարման վերաբերեալ՝  մասնաւորապէս  պահանջելով անհապաղ հայրենադարձնիլ  Բաքուին մէջ  պահուող բոլոր հայ գերիներուն, իրականացնիլ անկախ, հրատապ  քննութիւն՝  հայ գերիներու սպանութիւններու, խոշտանգումներու եւ անոնց նկատմաբ դաժան վերաբերմունքի դէպքերու վերաբերեալ 2020-2023«երու ռազմական գործողութիւններու համատեքստին մէջ, պատասխանատւութեան ենթարկիլ այդ խոշտանգումներու համար մեղաւորներուն եկ տրամադրել լրացուցիչ յստակ տեղեկութիւններ ենթադրեալ խոշտանգումներու եւ  դաժան վերաբերմունքի դէպքերու քննութեանն ուղղուած քայլերու վերաբերեալ, ինչպէս նաեւ հայ գերիներու համար ապահովիլ կապն իրենց ընտրած  փաստաբանի, ընտանիքին անդամներու հետ։