Կ․Պոլսոյ Բէյօղլու շրջանին մէջ իր բնակարանին մէջ մահացած յայտնաբերուած է Հայաստանի քաղաքացի՝ 64-ամեայ Ակոբ Դեղիրմենճիօղլուն։ Ոստիկանութիւնը պարզած է, որ ան սպաննուած է դանակի բազմաթիւ հարուածներով։
Դէպքին մասին ոստիկանութեան տեղեկացուցած էր դրացին՝ 45-ամեայ Մեհմեթ Շերիֆ Թայըքը՝ նշելով, որ բնակարանէն գէշ հոտ կու գայ։ Հետաքննութեան ընթացքին ան կասկածուեցաւ սպանութեան մէջ եւ ձերբակալուեցաւ։
Ոստիկանութեան տուած իր ցուցմունքին մէջ Թայըքը խոստովանած է սպանութիւնը՝ նշելով, որ իր եւ Դեղիրմենճիօղլուի միջեւ վէճ մը եղած էր վարձակալութեան հարցի շուրջ, եւ ինք դանակահարած էր։ Դատարանը որոշած է կալանաւորել կասկածեալը։
Դէպքին առնչութեամբ քննութիւնը կը շարունակուի։