Արեւելեան Հայաստանի բասկետբոլի Մ16 տարեկաններու տղամարդոց հաւաքականն աւարտած է ելոյթները Եւրոպայի առաջնութեան C դիվիզիոնին մէջ: 

Երրորդ տեղի համար պայքարին մէջ մեր հաւաքականը 71:63 հաշուով յաղթած է Բաքուի հաւաքականին՝ դառնալով առաջնութեան բրոնզե մեդալակիր: Հանդիպման ամէնաարդիւնաւետ խաղացողը Դավիթ Կակոյեան էր: Ան վաստակած է 7 միաւոր, 10 անգամ տիրած է օղակից անդրադարձող գնդակին եւ կատարած 5 արդիւնաւետ փոխանցում: 

Կանանց Մ16 տարեկաններու հաւաքականը եւս աւարտած է ելոյթները Եւրոպայի առաջնութեան C դիվիզիոնին մէջ: Վերջին խաղին ատեն  հաւաքականը 77:71 հաշուով յաղթած է Վրաստանի հաւաքականին՝ զբաղեցնելով առաջնութեան 5-րդ հորիզոնականը: Հանդիպման ամէնաարդիւնաւետ խաղացողը Լիլիթ Գեւորկովան էր՝ վաստակած 22 միաւորով: Ան նաեւ 12 անգամ տիրած է օղակից անդրադարձող գնդակին: