Արուեստագէտ Դանա Մաշոյան Ուոլրաթի հեղինակած «Ցեղասպանութիւններու գիրքը» լոյս տեսած է 2026 թուականի Սեպտեմբերի 8-ին՝ Հարուըրտի համալսարանի հրատարակչութեան կողմէ։
Պատմութեան ձեւաչափով գիրքը կը ներկայացնէ վերջին հինգ դարերուն ընթացքին տեղի ունեցած տասը ցեղասպանութիւններ՝ անդրադառնալով անոնց հիմքին մէջ գտնուող ապամարդկայնացման, բռնութեան եւ հողազաւթման մեխանիզմներուն։
Գիրքին կարեւոր առանձնայատկութիւններէն մէկն այն է, որ հեղինակը նիւթին կը մօտենայ նաեւ իր ընտանեկան պատմութեան միջոցով։ Անոր տատիկը Հայերու Ցեղասպանութիւնը վերապրած երեխայ եղած է եւ փրկուած է՝ թաքնուելով կճուճի մը մէջ։
Գիրքին մէջ ներկայացուած են Ամերիկայի բնիկ ժողովուրդներու, սեւամորթ ամերիկացիներու, Աւստրալիոյ բնիկ ժողովուրդներու, հայերու, Հոլոքոստի զոհ դարձած հրեաներու, պաղեստինցիներու, կամբոջացիներու, ռուանտացի թութսիներու, պոսնիացիներու եւ ռոհինջաներու դէմ իրականացուած ցեղասպանութիւնները։
Ուոլրաթը գիրքին մէջ կը փորձէ ցոյց տալ, թէ ինչպէս կը ձեւաւորուի ապամարդկայնացման մտածելակերպը եւ ինչպիսի ճանապարհներով կարելի է զայն կանխել ու յաղթահարել։