ԱՄՆ-ի Քալիֆորնիա նահանգի Իրվայն քաղաքին մէջ նախատեսուած է կառուցել Օրէնճ շրջանի առաջին հանրային յուշարձանը՝ նուիրուած Հայերու ցեղասպանութեան զոհերու յիշատակին։ Յուշարձանի բացման արարողութիւնը նախատեսուած է 2028 թուականի առաջին եռամսեակին։
Նախագիծը կ՚իրականացուի տեղի հայկական համայնքին նախաձեռնութեամբ եւ պիտի դառնայ Իրվայնի «Great Park»-ի կեդրոնական հատուածին՝ «Heart of the Park»-ի կարեւոր բաղադրիչներէն մէկը։
Յուշարձանի կեդրոնին պիտի տեղադրուի շուրջ 3,35 մեթր բարձրութեամբ պղնձաձոյլ արձան մը, որ պիտի պատկերէ հայ մայրը՝ իր գիրկին մէջ երեխայ մը։ Կերպարը պիտի խորհրդանշէ ոչ միայն Հայերու ցեղասպանութեան ողբերգութիւնը, այլեւ հայ ժողովուրդի տոկունութիւնն ու սերունդներու շարունակականութիւնը։
Յուշարձանին շուրջ նաեւ նախատեսուած են կռունկներու պատկերներ, որոնք հայկական մշակոյթին մէջ կը խորհրդանշեն հայրենիքի հանդէպ կարօտը, յաւերժական յիշողութիւնն ու խաղաղութեան ձգտումը։ Պիտի գործածուի նաեւ անմոռուկի խորհրդանիշը, որ Հայերու ցեղասպանութեան զոհերու յիշատակի միջազգայնօրէն ճանչցուած խորհրդանիշն է։
Յուշարձանը կոչուած է պահպանելու ցեղասպանութեան զոհերու յիշատակը եւ նոր սերունդներուն փոխանցելու պատմական յիշողութիւնը։