Ամփոփուեցաւ «Ցեղասպանագիտական երիտասարդական դպրոց – 2026» գարնանային ծրագիրը, որ համախմբած էր ցեղասպանագիտութեամբ հետաքրքրուող երիտասարդները՝ գիտական քննարկումներու եւ կրթական դասընթացքներու շրջանակին մէջ։
Ծրագրի ընթացքին մասնակիցները հնարաւորութիւն ունեցան համատեղելու տեսական գիտելիքները գործնական վերլուծութիւններու հետ՝ ուսումնասիրելով ցեղասպանագիտութիւնը պատմական, իրաւական, ընկերաբանական, հոգեբանական, մշակութային եւ քաղաքական տարբեր դիտանկիւններէ։ Դասընթացքները նպաստեցին ոչ միայն պատմական իրողութիւններու ուսումնասիրութեան, այլ նաեւ վերլուծական մտածողութեան եւ պատասխանատուութեան զգացումի ձեւաւորման։
Ծրագրի կազմակերպիչները յատուկ շնորհակալութիւն յայտնեցին Հայ օգնութեան միութեան՝ նախաձեռնութեան աջակցութեան համար։