2026 թվականի ապրիլի 25-ին Ֆրանսիայի Շաս-սյուր-Ռոն քաղաքում տեղի է ունեցել Հայերի դեմ իրականացված ցեղասպանության զոհերի հիշատակի արարողություն, որին մասնակցել է Արևմտյան Հայաստանի պատվիրակությունը։
Պատվիրակության կազմում էին Արևմտյան Հայաստանի Ազգային խորհրդի նախագահ Արմենակ Աբրահամեանը և Ազգային խորհրդի փոխնախագահ Լիտիա Մարկոսեանը։ Նրանք մասնակցել են հիշատակի միջոցառմանը՝ հարգանքի տուրք մատուցելով ցեղասպանության զոհերին։
Արարողությանը ներկա էին նաև բազմաթիվ տեղական պաշտոնյաներ, այդ թվում՝ քաղաքապետ Քրիստոֆ Բուվիեն, ով հանդես է եկել ելույթով։ Միջոցառման ընթացքում ծաղկեպսակ է դրվել Շաս-սյուր-Ռոնի հայ համայնքի նշանավոր ներկայացուցիչ Սարգիս Չուլֆյանի հիշատակին։
Ելույթներով հանդես են եկել նաև համայնքի ներկայացուցիչները։ Մասնավորապես, Շաս-սյուր-Ռոնի հայկական համայնքի նախագահ Ալեն Չուլֆյանը իր խոսքում անդրադարձել է հայ ժողովրդի կրած տառապանքներին՝ ներկայացնելով նաև իր ընտանիքի պատմությունը և հուզիչ կոչ է ուղղել իշխանություններին։
Հիշատակի միջոցառմանը մասնակցել են նաև տարբեր կազմակերպությունների ներկայացուցիչներ, այդ թվում՝ դրոշակակիր միավորումներ և ANACAS-ը (Հայ վետերանների և համակիրների ազգային ասոցիացիա)։ Միջոցառումը տեղի է ունեցել Սարգիս Չուլֆյանի անվան հրապարակում՝ նվիրված հայ նահատակների հիշատակին։