Արևմտյան Հայաստանի Ազգային Խորհուրդը իր խորին հպարտությունն ու գնահատանքը հայտնում է հոկտեմբերի 16-ին Բիլբաո քաղաքում՝ Bira Kulturgunea մշակութային կենտրոնում տեղի ունեցած հանրային դասախոսության կապակցությամբ՝ «Հայաստանը և Արցախը ժամանակակից պատմության մեջ» թեմայով։
Միջոցառումը կազմակերպվել էր «Ո՛չ Բաքվի ռեժիմի սպիտակեցմանը» խորագրի ներքո և հանդիսացավ կարևոր հարթակ Եվրոպայում Հայաստանի և Արցախի շուրջ ընթացող քաղաքական ու պատմական իրողությունների վերաբերյալ իրազեկվածությունը բարձրացնելու համար։
Արևմտյան Հայաստանի Ազգային Խորհուրդը ողջունում է Բիլբաոյի այս կարևոր քայլը և կոչ է անում շարունակել նման նախաձեռնությունները՝ ամրապնդելու իրազեկվածությունը, համերաշխությունը և արդարությունը։