Յարգելի´ գործընկերներ, հայրենակիցներ,
Կը տեղեկացնենք Ձեզի, որ ս.թ. Փետրթւարի 8-20-ը տեղի պիտի ունենայ ՀՀ Սփիւռքի գործերու գլխաւոր յանձնակատար Զարեհ Սինանեանի աշխատանքային առաջին այցը Ֆրանսիայ:
Այս առիթով, ս.թ. Փետրուարի 11-ին` երեկոյեան ժամը 18.00-ին Յանձնակատարի գրասենեակը կազմակերպած է հանդիպում ֆրանսիայի հայկական կազմակերպութիւններու ներկայացուցիչներու հետ Փարիզի մէջ (վայրը՝ Cercle de l’Union Interalliée / հասցէն՝ 33, rue du Faubourg Saint-Honoré 75008 Paris, France):
Գլխաւոր յանձնակատարի այցի նպատակն է ծանօթանալ հայկական համայնքին, ինչպէս նաեւ՝
– ներկայացնել Յանձնակատարի գրասենեակի կողմէ իրականացուած ծրագիրները
– ծանօթնալ խնդիրներուն եւ քննարկել անոնց հնարաւոր լուծման ուղիները
-ծանօթանալ հայկական միութիւններու կողմէ իրականացուած ծրագիրներուն եւ գործունէութեան
-քննարկել հայկական միութիւններու հետ համագործակցութեան հնարաւորութիւններն ընդլայնելու հարցերը
Սիրով կը հրաւիրենք Ձեզի մասնակցելու հանդիպմանը: