Ֆրանսայի մէջ խումբ մը խորհրդականներ դէմ արտայայտուած են Թուրքիոյ հնարաւոր ռազմական գործողութիւններուն Սուրիոյ քրտական ուժերուն դէմ, զորս Անգարա կը համարէ ահաբեկչական ուժեր։
Ֆրանսայի խորհրդարանի 102 պատգամաւորի կողմէ հրապարակուած «Էրտողանի խելագարութեան վերջ պիտի դրուի» յայտարարութեան մէջ նշուած է, որ Թուրքիա կը փորձէ օգտուիլ իր ունեցած դերակատարութենէն Ուքրանիոյ հարցին մէջ եւ համոզել ՆԱԹՕ-ն Սուրիոյ մէջ ռազմական գործողութիւն սկսելու համար:
«Արեւմուտքը պէտք է կանգնեցնէ Թուրքիան եւ թոյլ չտայ, որ մեր դաշնակից Սուրիոյ քրտական ուժերը ենթարկուին յարձակման»,- նշուած է յայտարարութեան մէջ: