Հասարակական-քաղաքական գործիչ, Արցախյան պատերազմի մասնակից, Արևմտյան Հայաստանի Հանրապետության Ազգային ժողովի պատգամավոր Կարո Կարապետյանը այցելել է Վայոց ձորի մարզի սահմանամերձ Խաչիկ գյուղ։
Այցի շրջանակում նա հանդիպել է հայրենիքի սահմանները պաշտպանող հայ զինվորներին և բարձր գնահատելով նրանց անձնվեր ծառայությունը՝ պարգևատրել «Իշխանի շղթա» պատվավոր շքանշանով։
Հանդիպման ընթացքում ընդգծվել է սահմանապահ զինվորների կարևոր առաքելությունը, ինչպես նաև հայրենիքի անվտանգության ապահովման գործում նրանց ունեցած նշանակալի դերը։ Միջոցառումն անցել է ջերմ ու հայրենասիրական մթնոլորտում՝ արժևորելով հայ զինվորի նվիրումն ու ծառայությունը հայրենիքին։