Անցած շաբաթ Արևմտյան Հայաստանի Հանրապետությունը նշեց Հայոց բանակի օրը՝ ևս մեկ անգամ վերահաստատելով իր հավատարմությունը ազգային պաշտպանությանը, պետականության ամրապնդմանը և հայրենիքի անվտանգությանը։ Այս առիթով հանդես եկավ Արևմտյան Հայաստանի կառավարության խոսնակ Շողեր Պիլեմճեանը՝ ներկայացնելով պետության դիրքորոշումն ու ազգային ուղերձը։
Հայոց բանակը, հիմնադրված Արևելյան Հայաստանի 1992 թվականի հունվարի 28-ին, իր գոյության ընթացքում բազմիցս ապացուցել է, որ հայրենիքի պաշտպանությունը ոչ միայն պարտականություն է, այլ սրբազան առաքելություն։ Ելույթում շեշտվեց, որ չնայած զոհերին, կորուստներին և դժվարություններին՝ հայ ժողովուրդը կարողացել է պահպանել իր ազգային ինքնությունն ու արժանապատվությունը։
Խոսնակի խոսքով՝ Հայոց բանակը պարզապես զինված ուժ չէ․ այն անկախության, անվտանգության և ազգային արժանապատվության կենդանի երաշխիք է՝ ձևավորված հայրենասեր երիտասարդների նվիրումով։ Բանակը անցել է ծանր փորձությունների միջով, սակայն միշտ կանգնել է իր առաքելության բարձրության վրա՝ պաշտպանելով ժողովրդի խաղաղ կյանքը։
Ելույթի ավարտին Շողեր Պիլեմճեանը կոչ արեց ազգային մտավորականությանը և հասարակության բոլոր շերտերին երբեք չթուլացնել հայկական բանակի ոգին, այն փոխանցել նոր սերունդներին և շարունակաբար աջակցել Հայոց բանակին՝ միասին կերտելով անվտանգ, հզոր ու արժանապատիվ ապագա։
Կեցցե՛ հայ զինվորը, կեցցե՛ հայկական բանակի ոգին։