Արևմտյան Հայաստան.Ամասիայի խոհանոցը

  • by Western Armenia, 01 Օգոստոսի, 2022 in Հասարակություն
323 դիտում

Ամասիայի հացատեսակները այլազան են։ Շուկայի հացագործները տարբեր հացատեսակներ են թխում մեծ փռերում։ Յպուրաքանչյուր տուն ունի իր փուռը, ուր տանտիկինը շաբաթը մեկ անգամ թխում է բավարար քանակությամբ հաց։ Ամենատարածված հացատեսակը սոմինն է: Յուրաքանչյուր տանտիկին ձմեռնամուտին պատրաստում է մեծ թվով սաջի հաց, դրանք  չորցնում ու պահեստավորում է։ Հետագայում այս հացով են պատրաստում տարբեր տեսակի խմորեղեններ: Ամասիա քաղաքում թոնրի մշակույթ չկա։ Շատ տարածված և նշանավոր է ամասիացիների «բիտե» հացի տեսակները։ Այսպես, հացի սովորական խմորը ձվաձև բացելով, ջրով թրջված մատներով տափակեցնում են փռի թիակի վրա ու թխում։ Խմորի վրա շարում են ապխտի (բասթըրմա) յուղոտ կտորներ և այս ձևով պատրաստում ապխտով բիտեն։ Պանրի կտորներ շարելով և կիսալուսնաձև ծածկելով թխում են պանրով բիտեն: Շուկայի հացագործների կողմից պատրաստվածը չարշվի բիտե է կոչվում։ Ավելի տարածված ձև է այս բիտեի մեջ խորտիկներ շարելը, փաթաթելն ու այս ձևով վաճառելը:

https://www.houshamadyan.org/arm/mapottomanempire/sivasvilayet/sandjakofamasya/localcharacteristics/cuisine.html