Թուրքիոյ Կրթութեան նախարարութեան տեսուչները ստուգումներ կը կատարեն Կ. Պոլսոյ հայկական դպրոցներուն մէջ։ Ըստ շրջանառուող տեղեկութիւններուն՝ դպրոցներուն յայտնուած է, որ Հայաստանի քաղաքացիներու զաւակները այլեւս չեն կրնար հայկական դպրոցներ ընդունուիլ եւ պէտք է տեղափոխուին պետական դպրոցներ։
2012-էն ի վեր օտարերկրացի երեխաները հայկական դպրոցներու մէջ կրնային սորվիլ «հիւր աշակերտ»ի կարգավիճակով։ Այս կարգի դադրեցման հաւանականութիւնը մտահոգութիւն յառաջացուցած է հայկական համայնքին եւ իրաւապաշտպաններուն մօտ։
Իրաւապաշտպան կազմակերպութիւնները կը փորձեն պարզել որոշման իրաւական հիմքերը եւ պաշտպանել տուժած ընտանիքներու կրթութեան իրաւունքը։