Արեւմտեան Հայաստանի Երզնկայ նահանգին մէջ ձերբակալուեր է այն անձը, ով փորձեր է Բիւզանդական ժամանակաշրջանին պատկանող սարկոֆագը վաճառել:
Ըստ նահանգապետարանէն ստացուած հաղորդագրութեան՝ քաղաքացին պեղում կատարեր է առանց թոյլտւութեան:
Երկարութիւնը 91 եւ լայնութիւնը 29 սանտիմետր կազմող սարկոֆագը’ ոստիկանները յայտնաբերեր են կասկածռալի տան պարտէզէն՝ հողին տակ թաղուած: Ձերբակալուած Ջ.Ու.-ին դէմ յարուցուեր է քրէական գործ, առգրաւուած սարկոֆագը յանձնուեր է նահանգային մշակոյթի եւ զբօսաշրջութեան վարչութեան: