Անյայտ անձինք ծանր տեխնիկայով վնասեր են Ջաւախքի Գոման գիւղի մէջ գտնուող հայկական եկեղեցին ու տաճարի բակին մէջ գտնուող գերեզմանները։

 Panorama.am-ի փոխանցմամբ՝ տեղեկութիւնը յայտներ է Sputnik Գրուզիան` հղում կատարելով Վրաստանի մշակութային ժառանգութեան պահպանութեան ազգային գործակալութեանը։

«Սուրբ Գրիգոր Լուսաւորիչ եկեղեցւոյ բակին մէջ ծանր տեխնիկայի հետքեր կերեւին կառոյցի երեք ճակատներու՝ արեւմտեան, հարաւային եւ արեւելեան կողմերէն։ Վնասուեր են գերեզմանները, ամենուր մարդկային ոսկորներ են։ Վնասուեր են նաեւ պարիսպն ու շեմը»,– նշուած է հաղորդագրութեան մէջ։

Գործակալութեան աշխատակիցները կը պարզեն մշակութային ժառանգութեան յուշարձանի վնասման աստիճանը, իսկ ոստիկանութիւնը  կը փնտրէ մեղաւորներուն։

Գործակալութեան դիմումի հիման վրայ Ջաւախքի ՆԳՆ ոստիկանութեան վարչութիւնը քրեական գործ հարուցեր է մշակութային ժառանգութեան յուշարձանի վնասման փաստով: