Օրերս Արեւմտեան Հայաստանի Հանրապետութեան Երեւանեան առաքելութեան մէջ տեղի ունեցաւ կարեւոր ժողով մը, որ նուիրուած էր հանրապետութեան հեռուստատեսութեան զարգացման եւ բարելաւման առաջիկայ քայլերուն։
Ժողովը վարեցին Արեւմտեան Հայաստանի Հանրապետութեան Ազգային ժողովի նախագահ Նելլի Յարութիւնեանն ու PR տնօրէն Լիլիթ Ալեքսանեանը։ Քննարկումներու կեդրոն էին հեռուստատեսութեան գործունէութեան արդիւնաւէտութեան բարձրացումը, բովանդակութեան որակի բարելաւումը եւ ժամանակակից լրատուամիջոցներու պահանջներուն համապատասխանեցումը։
Ժողովի ընթացքին հնչեցին բազմաթիւ կարծիքներ եւ առաջարկներ, ծաւալուեցան աշխոյժ քննարկումներ, որոնք ցոյց տուին նիւթի արդիականութիւնն ու կարեւորութիւնը։ Մասնակիցները ներկայացուցին հետաքրքրական դիտարկումներ՝ հեռարձակման ձեւաչափերուն, հաղորդումներու բովանդակութեան եւ լսարանի հետ կապի ամրապնդման առնչութեամբ։
Քննարկումներու արդիւնքով որոշում կայացուեցաւ գործի դնել հեռուստաընկերութեան ամբողջ ներուժը՝ առաւելագոյն արդիւնաւէտութեամբ աշխատելու եւ լաւագոյնը հայրենակիցներուն փոխանցելու նպատակով։ Նշուեցաւ նաեւ, որ առաջիկային հեռուստատեսութիւնը պէտք է դառնայ ոչ միայն տեղեկատուական, այլեւ ազգային ինքնութեան պահպանման ու տարածման հզօր հարթակ մը։