Արեւմտեան Հայաստանի Հանրապետութեան Ազգային ժողովի նիստին ընթացքին ելոյթ ունեցաւ պատգամաւոր Մարիեթա Տումիկեան։ Ան նախ շնորհաւորեց Լիտիա Մարկոսեանը՝ վարչապետի բարձր պաշտօնը ստանձնելու առիթով՝ մաղթելով արդիւնաւէտ գործունէութիւն եւ յաջողութիւններ իր պատասխանատու առաքելութեան իրականացման մէջ։
Իր խօսքին մէջ Մարիեթա Տումիկեան անդրադարձաւ հայ ժողովուրդի պատմական ուղիին՝ նշելով, որ հայերը հազարամեակներ շարունակ ապրած են իրենց բնօրրանին մէջ։ Ան շեշտեց, որ Օսմանեան կայսրութեան եւ Թուրքիոյ յաջորդական իշխանութիւններու վարած քաղաքականութեան հետեւանքով Արեւմտեան Հայաստանի մէջ տեղի ունեցած են ցեղասպանութիւն, բռնագրաւումներ եւ ժողովրդագրական լուրջ փոփոխութիւններ։
Պատգամաւորը կարեւոր նկատեց Արեւմտեան Հայաստանի Հանրապետութեան Ազգային ժողովի գործունէութիւնը՝ ընդգծելով, որ ան պատասխանատուութիւն կը կրէ ազգային իրաւունքներու պաշտպանութեան, հայութեան համախմբման եւ Հայկական հարցի արդար լուծման ուղղութեամբ։ Անոր համաձայն՝ անհրաժեշտ է միաւորել ազգային ներուժը, պահպանել պատմական ժառանգութիւնը եւ աշխատիլ յանուն հայ ժողովուրդի արժանապատիւ եւ ապահով ապագային։
Ելոյթի աւարտին Մարիեթա Տումիկեան շեշտեց, որ հայ ժողովուրդը կարեւոր առաքելութիւն ունի՝ ըլլալ իր պատմական ժառանգութեան արժանի կրողը եւ համատեղ ջանքերով հասնիլ ազգային նպատակներու իրականացման։